UZRUEN

Maxfiylik siyosati

Oxirgi yangilanish: 2026-09-06

Ushbu hujjat Avto Target xizmatidan foydalanganda qanday ma'lumotlar to'planishi, ular nima uchun kerakligi va qanday himoyalanishini tushuntiradi. Xizmat BYTE SOFT MChJ tomonidan taqdim etiladi.

1Qanday ma'lumotlar to'planadi

  • Ism, familiya va yosh — ro'yxatdan o'tishda o'zingiz kiritasiz.
  • Telegram akkaunt raqami va foydalanuvchi nomi — kirish shu orqali amalga oshadi. Parol yo'q.
  • Meta kirish kaliti (System User token) — reklama kabinetingizni boshqarish uchun. Shifrlangan holda saqlanadi.
  • Reklama ma'lumotlari — kampaniyalar, statistika va Instagram postlaringiz. Ular Meta'dan olinadi va asosan saqlanmaydi, har safar yangidan so'raladi.
  • Texnik yozuvlar — xatolar va so'rovlar tarixi, tizim nosozliklarini topish uchun.

2Ma'lumotlar nima uchun ishlatiladi

  • Sizni tanish va hisobingizga kirish imkonini berish.
  • Meta reklama kabinetingizni sizning ruxsatingiz bilan boshqarish: kampaniya yaratish, statistikani ko'rsatish.
  • Tarif muddati va to'lovlarni yuritish.
  • Telegram orqali hisobot va ogohlantirish yuborish.

3Meta kaliti bilan nima qilamiz

  • Kalit bazada shifrlangan holda saqlanadi, ochiq ko'rinishda hech qayerda turmaydi.
  • Faqat reklama bilan bog'liq amallar bajariladi: kampaniyalar, reklama kabinetlari, sahifalar, Instagram profillari va statistika.
  • Shaxsiy yozishmalaringiz, Facebook parolingiz va to'lov ma'lumotlaringizga kirish yo'q.
  • Kalitni istalgan vaqtda Meta sozlamalaridan bekor qilishingiz mumkin — bizdan so'ramasdan. Shundan keyin xizmat hisobingizga kira olmaydi.

4Ma'lumotlar kimga beriladi

  • Ma'lumotlaringiz sotilmaydi va reklama maqsadida uchinchi shaxslarga berilmaydi.
  • Xizmat ishlashi uchun zarur bo'lgan tashqi xizmatlar: Meta (reklama), Telegram (kirish va hisobotlar).
  • Qonun talab qilgan hollarda vakolatli organlarga berilishi mumkin.

5Ma'lumotlar qancha saqlanadi

  • Hisobingiz mavjud bo'lgan davrda saqlanadi.
  • Meta ulanishini o'chirsangiz, kalit va u bilan bog'liq keshlangan ma'lumotlar darhol o'chiriladi.
  • Hisobni butunlay o'chirishni so'rasangiz, barcha ma'lumotlar 30 kun ichida o'chiriladi.

6Sizning huquqlaringiz

  • Ma'lumotlaringizni ko'rish va tuzatish — kabinetning Sozlamalar bo'limida.
  • Meta ulanishini istalgan vaqtda uzish.
  • Hisobni va barcha ma'lumotlarni o'chirishni so'rash.

7Aloqa

  • Savollar bo'yicha: info@avto-target.uz
  • Telegram: @avtotarget_uz
  • BYTE SOFT MChJ, O'zbekiston